Am 10.11 hei mir eus wiedrmol uf d March verirrt. Dört isch wie jedes Johr d Mega Guggeparty vo de Geisseschränzer gsii. Vor em Uftritt isch s Rotkäppli no mitere Stärkig ume gloffe und den is ab uf d Bühni gange. Am viertel ab zehni isch d Halle schu voll gsii und mir hei chöne spiele. S einte odr andere Neumitglied odr au d Instrumentwechsler hei vorher sicher dr eint odr ander Schweisstropfe vergosse, abr am Uftritt het mä den nüt meh gmerkt. Au dr neu Tambi het sini Fürtaufi mit em erst Uftritt kha. Doch dä isch vorne ume ghüpft, als würd ers schu ewigs mache. Nach em Uftritt het den euse BVB-Driver schu müsse goh, drmit er sin Schönheitsschlof becho het. Wei jo nid, dass am nechste Dag keini Trämli fahre. Für e Rest ischs zum gmütlicher Teil cho vo dem Obe und einigi sind bis in diä frühe Morgestunde bliebe.

An dere Stell nomol herzliche Danke de Geisseschränzer für das Geissegaudi.

d Bilder vo dr Mega Guggeparty findsch do…