D Indiacanight 2018 isch wieder vor der Türe gstange und euise Bohnesportverein het sichs wiedermol nid chöne loh neh, dem gelbe Ding mit de rote Federe hingenoche zseckle…

D Rita, d Patrizia, d Susanna, der Sandro und der Päddy hei sich motiviert, aber no liecht unsicher i die ersti Rundi gwogt… Die foif hei der erst Match gege d „was hei mir druss glernt ?“ gspielt und nach es paar Minute hei mir chönne säge.. Mir hei einiges glernt… uf einisch hei mir der Rückstand ine Füehrig chönne usbaue und si mit emen 20:17 Sieg abem Feld. Das nennt me e Traumstart gege e starki Gruppe. Nachere churze Pause sie die negschte Gegner a der Reihe gsi, ime ne nid ganz normale Spiel sich d „Die scharfe Geisse und der Nöni“ au i d Reihe vo de Verlierer dörfe ireihe. Sensationell het sich eusi Truppe im Mikado spiele duregsetzt und der negscht Sieg gholt.

Denn isch e Pause agseit gsi und im dritte Spiel Hei den d „CTE Smaschers 2.0“ au dörfe erlebe wie me sich als Verlierer gege d Bohneschränzer fühlt. 19:18 isch s Resulat gsi, knapp aber gwunne.

Euises Team het sich i alle Spiel wacker gschlage, wenn me denkt das an der Indiaca-Night für alli s Trainig und dr Wettkampf i eim gsi isch. Was sich aber usekristallisiert het, der Päddy chönnt e neue Name bercho: „Päddy der Fächer“, immer wenn me denkt het, d Ball chunnt nümm isch vo irgendwo no e Päddy cho. Au die angere hei immer wieder souveräni Aktione zeigt und d Susanna het sogar mol schnell der Fächer vo hinge päcklet.. Me gsetth, es isch harmonisch gsi.

Jetz hets Blatt aber kehrt, 15:18 gege d „INDIAcanER“ und 12:21 gege d „Miami Bitches“ sie die erste Niederlage vo dem Obe gsi.

Aschliessend si d Rangspiel cho und dört isch denn ame irgendwie bitz Sand im Getriebe gsi, irgendwie hets eifach nümme ganz glängt und so sie au die letschte zwoi Partie mit 17:15 und 15:19 verlore. S Team het der Plausch zämme gha und isch denn aber „altershalber“ relativ schnell hei. Stimmt nid ganz, der ältisch wo eigentlich würklich grad het welle goh.. De hets denn erscht nach de 03.00 hei gschafft…

Danke de Bohnanzas fürs Organisiere.

d Bilder vo dr Indiacanight findsch do…