Am 6ii heimer eus bi Gmeinihuus z Mältige troffe. Wer cha zähle, het schnell gmerkt, dass fast meh potenzielli Neumitglieder als bestehendi Mitglieder debi gsii sind. Es nid nur 1 oder 2, nei ganzi 12 Intressente, debi gsii.  D Wandergruppe isch den in richtig Fasnachtsfüür abloffe. Nach em steile Astieg sind ä paar chli witergloffe als sie hette müsse, aber zum Glück hend sich denn alli wieder gfunde und es isch Zit für ä Apero worde. Nur die knurrende Büch hends gschafft, dass der Schlussmarsch in Agriff gno worde isch, sunst hät das Apero no chli chöne durre..
Bi dr Gritthütte in Büsserach het den s kühlgestellte Smirnoff und Bier gwartet. Nachdem agführt worde isch, het mä au endlich chöne grilliere und dr Hunger stille. Au sind den no paar witeri Bohneschränzer cho zum dr Obe loh usklinge. Ebs Bella und Co gfalle het, werde mir denn gseh, falls sie in d Probe chöme. Mir würde eus jedefalls freue!

Danke Specht fürs organisiere und Apero mitträge!

Ab zu de FOTIS!