D GV het wie jedes Johr im kühle Wyy-Keller vom Wisse Rössli z Erschbel gstartet. Und wer chunt natürlich knapp…der Spech und der Habicht. Aber die hend hald hüt ihres Nest zämmegleit und sind weg dem dr ganz Tag scho unterwegs gsii.

Nebe em typische GV-Geschwätz (wo ich euch jetzt nid demit due langwile) hets au no ein-zweu spannendi Entscheid geh:
Viel z diskutiere het au euse Alass im September geh. Ä Theater odr doch lieber ä Bravo Hits Party? Dr Entscheid isch uf d Bravo Hits Party gfalle. Am 03.September findet somit eusi ersti Bravo Hits Party uf dr March statt!!!
Au isch no s neue Kostüm vorgstellt worde. Wer chunt echt uf em Gheimnis uf d Schlich?
Zwar kei Bohnemovie hets das Johr z gseh geh, defür heimer Videopost us Südafrika becho. Euse Oberwikinger het sich nämlich bi de Elephante und Giraffe abgsetzt.

Viel Neus gits sunst nid z verzehle, aber mä cha sicher gspannt bliebe, was s nöchste Fasnachtsjohr so mit sich bringt…