Marchcup 2022
Sa, 09.07.2022

Blaue Himmel, warmi Temperature und 10 Bohneschränzer wo wend Korbball spiele: Diä perfekti Kombination für ä Tag wos Marchcup stattfindet. Mit zweu Gruppe, ein Aktivi und eini Plausch, sind mir bim diesjöhrige Marchcup debi gsii.

Nachere chline Iwärmrundi hend denn au scho d Match gstartet. D Aktiv-Mannschaft het während 5 Spiel chöne ihri Korbball-Skills unter Bewis stelle. D Plausch-Mannschaft het sogar 7mol uf em Platz dörfe antanze und versuche das Runde Ding ins das Runde Ding mit em Netz ine z becho. Zweu-Drei witteri Bohneschränzer sind im Verlauf vom Tag denn au mol no uftraucht und hend d Rolle als Fans übernoh. Vo grosse Sieg chöne mir an dere Stell leider nid brichte AAAABBBBEEEEERRR eis isch sicher, dr Spass isch an dem Tag definitiv nid z kurz cho. Bi agnehme Temperature hend mir denn no bim gmütlicheri Teil vom Marchcup chöne teilha und dr Obe loh usklinge.

Mol luege ebe mirs au nechst Johr schaffe wieder mit zweu Teams debi z sii, jetzt müsse mir aber zerst mol die blaue Flecke und ufgschürfte Knie uskurriere.

 

Do hets no Fotis vo dem Tag…