Der Zischtig het stürmisch agfange und me het überall vo abgseite Fasnachtsaläss ghört. Bi euis z Mältige hets au immer wie feschter afo Blose und wos denn richtig agfange het, sie mir alli am Zelt ghange und hei ghofft das nix passiert. Wo sichs für e erste Moment wieder beruhigt het, hei mir mit schwerem Herz entschlosse s Guggekonzert leider abzsäge. Denn mir hei die Verwantortig nid welle und chönne Überneh. Es het Muet und viel Überwindig brucht, aber der Entscheid isch der beschti gsie, wo mir in dere Situation hei chönne fälle. Es isch denn aschliessend zwar ruhiger worde, aber Murphys Law usezfordere isch echt nid in euisem Sinn gsi.

DANKE FÜRS VERSTÄNDNISS WO MIR VO ALLNE SITTE ERFAHRE HEI, MIR WERDE S NEGSCHT JOOR DAS GRAD MIT DOPPLETER MOTIVATION DUREFÜHERE.

Natürlich hei mir no es letschtmol an der Fasnacht welle Gas geh und die Fasnacht fürechtfröhlich loh z End goh.

Der Bohne-Beni und der Gabriel hei denn schlussendlich d Tradition vom letschte Gascht gwunne und hei am 06.30 Uhr no ganz genau gluegt, das au der letschti Geisseschränzer mit em Postauto der Heiweg atrette het.

E DANK AN ALLI WO EUIS DIE FASNACHT ESO TOLL UNGERSTÜTZT HEI, SIG DAS ALS BUSFAHRER, KAMERAMAA, SUPPORTER, APREROSPENDER, KLATSCHER, MITJOHLER….

Mir hei am Samschtig no s Fasnachtsfüür und denn gohts langsam in Summerschlof, so das mir parat si, d Fasnacht 2017 z besttritte.

Do gohts zu de Fotene!