Am Sunntig heimer immer Heimspiel.
Euse Tag het wieder miteme Apéro gstartet. Dasmol bi eusem Tambi. Danke Petzi 🙂
Einigi hend no ihri Fuessballkünst unter Bewiess gstellt. Aso mit de Zoggeli gohts nid so guet, abr vlt mache mir jo mol amene Fuessball-Grümpeli mit und nid immer nur bi Korbball oder Indiaca. Wer weiss…

Dr nechst Programmpunkt isch den dr Umzug z Nunnige gsii mit anschliessendem Platzkonzert vor em Krüz.
Vo dört us hei mir den wele mit em Posti uf Mältigä. Abr so überfüllt wie das gsii isch, heimer natürlich kei Platz meh gha. Zum Glück sind den so viel Autos uf Mältigä gfahre. Danke allne dene wo eus mitgnoh hei.

Z Mältigä isch den nomol ä Umzug gsii mit aschliessender Dorffasnacht. Mir hend s richtig chöne gniesse überall goh z spiele ohni Bohnebar oder Bohnezelt.  Nach eusem letzt Uftritt für de Tag bim Pisi hend den paar s Instrument denn noni chöne weglegge. Hallelujah, tönt das schön. Aber bitte mit Gfühl. Egal eb bim Pisi, bi de Fläschlisammler oder ufemene Wage mir hend ä super Stimmig gha & do mir am Mentig erst Zobe Programm hend, isch s chli spot bzw. früh worde.

D Fotis findsch do…