Dr Mentig isch bi eus immer dr gmütlichi Tag. Gege Obe heimer eus im Dorf troffe, sodass mir im Bad hei chöne goh spiele. D Abfahrt vom Car wär den am 6ii plant gsii. Abr dä Car isch und isch nid cho und mir sind denn hald ins Posthüüsli goh warte. Zum Glück isch gnue Verpflegig debi gsii. Nach über 1h warte, isch er denn endlich z Mältigä uftaucht. Dr Grund für die Verspötig isch umstritte, Mir wüsse nid was stimmt, aber hauptsach mir sind no vor euser Uftrittszit z Kaiseraugst gsii. Do het sich dr iplanti Puffer wirklich glohnt. Do mir nid zum erste mol z Kaiseraugst gsii sind, heimer langsam gwüsst wies lauft und wie mä dört ä guets Fest het. Au eusi Neutmitglieder hend schnell Begriffe wies lauft. Bi dr Carfahrt für hei hend mir den drei Nunniger asyl gewährt. Nachdem mit Mältigä acho sii, sind mir no in d PisiBar goh spiele. Ei Frog het eus denn no beschäftigt: „Macht öber ä Atrag oder nid?“. Es het keine geh, abr mir sind trotzdem no chli dört bliebe.

D Fotis findsch do…