Leider isch am Zistig scho wieder dr letzti Tag vo dr Fasnacht agstande. Aber defür heimer nomol Heimspiel gha. Guggekonzert Mältigä isch uf em Programm gstande. Nebe eus sind au no d Geisseschrämzer und d Ohregrübler cho. Nach em Uftritt sind heimer no bi de Fläschesammler und in dr PisiBar gspielt und eus den am 12i zNacht mit em Narcotic vo dr Fasnacht verabschiedet. Wie jedes Johr het wieder dr Wettkampf zwischen eus und de Geisseschränzer um dr letzti in dr PisiBar stattgfunde. Mir hend scho glaubt nüm chöne z gwinne, wo plötzlich vier nomol uftraucht gsii, nachdem sie no bi de Fläschesammler gsii sind. Dr Sieg isch hart umkämpft gsii, aber am 07:20 heimers denn endlich gschafft gha und au die letzte hend sich uf e Heimweg gmacht.

So zum Endi vo dere Fasnacht bliebe nur no zweu Sache zum säge:
Mir hoffe d Fasnacht het den Neumitglieder gfalle und au den Wiederlichen-Mitlgieder, sodass sie bliebe.
…und…
Danke tusig an alli wo die Fasnacht so unvergesslich gmacht gha hei. Mir freue eus scho uf nechst Johr mit euch!

D Fotis findsch do…