Fasnachtsfritig 2023
Fr, 17.02.2023

Am dem Fasnachtfritig ischs bi eus erst am spötere Nomitag los gange mit em Programm. Zerst heimer müsse d Instrument und d Maske us em Ahänger hole. Denn sind mir ab zum Carole hei und zerst mol goh Apéro neh. Egal ob uf enene Bänkli, Sofa oder denn doch Kinderstühli jede und jedi het ä Plätzli gfunde und chöne mit astosse. Danke Carole für die super Gastfründschaft. Mit chöme gern wiedermol verbi 😉
Vo dr Carole us heimer den nur ä kurzes Juragebiergsspaziergängli müsse mache und sind den scho bim Katzeflühli gsii, wos Guggekonzert vo de Geisseschränzer scho in vollem Gang gsii isch. Das Johr isch dr Petrus mol uf dr Site vo de Geisschränzer gsii und es het weder gschneit no gregent an eusem Uftritt.
Vo Zubel het sind mir den witer uf Nunnige gange. Abr weles Postauti nehme mir? Weg em süffige Wyy und de Shots us dr Tabakpfiffe (kei Angst us dene isch nie graucht worde…wer sunst scho ziemlich grusig) isch es den dr spöteri Bus worde. Z Nunnige heimer am Jubiläumsfest vo de Ohregrübler ä Uftritt gha.

Mir gratuliere euch ganz herzlich zu dem halbe Johrhundert. Uf die nechste 50 Johr!

D Fotis findsch do

 

PS: Danke am Blöckträger für sin Isatz.  D Schultere hend die Entlastig guet chöne bruche.