Am Schmudo wird eifach immer viel zu schnell Morge, abr für d Chesslete steu mir immer gern uf (egal wie viel odr wenig mä gschlofe het). Nach eusem grosse Spaziergang durchs Dorf hets denn bim Pisi ä Mehlsuppe geh. Sunst ende eusi Fasnachtsdäg zwar immer in dr Pisi-Bar, abr dört z starte isch au nid schlecht. Uf jedefall: „Danke Pisi!“

Am Nomitag ischs denn witergange mit dr Kinderfasnacht. Mit euesem neue Kostüm sind mir spielend zur Beitz vo de Fläschlisammler gloffe. Dr Gwünner vom Kostümwettbewerb vo de Kinder isch, ä Nochwuchs-Bohenschränzer im Sherlock-Kostüm gsii. Das freut eus natürlich riesig. Mir gratuliere dir ganz herzlich zu dim Sieg!
Euse nechste Stop isch denn am Obe dr Sternemarsch und d Guggegala z Breitebach gsii. Natürlich sind mir mol wiedr sehr früh dört gsii, abr egal…warte mir hald chli bis es afot. So hend mir wenigstens gnue Zit gha, zum dr witi Weg zu eusem Start (direkt neb em Friedhof…also nur wenigi Meter vom Ziel entfernt) hinter eus z bringe.
Nach em Uftritt uf dr Treppe hets denn bi eus wied „Allssoo“ gheisse und mir sind witer uf Erschbel. Dört heimer denn nach em 12ii z Nacht am Maskeball gspielt.
„he dir geseht mega ähnlich us wie mir diä Fasnacht“ diä Ussag heimer vo meh als nur eim Bohnazas ghört. Do sind mir scho ziemlich neugierig worde, abr hend eus no müsse bis zum Samstig gedulde.

D Fotis findsch do…