DORFFEST NUNNINGEN
Samstag, 27. August 2016

“Es isch Zyt für e Fesch” isch s Motto vom Nunninger Dorffescht.

Das hei mir euis natürlich nid lang überleit und sofort zuegseit wo d Afrog cho isch.

30 Grad im Schatte und der Schweiss lauft.. Also eigentlich e wunderschöne Samschtig Nomitag und optimali Bedingige für d Teilnahm am Dorffescht in Nunninge.

Nachdem mir jetz doch scho zwoi usserplanmässigi Probe gha hei, sie mir froh gsi, wo mir endlich hei dörfe loslege.. Der Ungerschied zum Winter isch isch aber scho klar gsi, denn eigentlich hei mir oft Chappene und Thermoschleider ah und jetz si mir mit Sunnebrülle, Kopfbedeckige und churze Hose ungerwegs gsi. D Sousaphonischte hei denn schnell gmerkt das ihres grosses au e Vorteil het und e wunderbare Schattespender isch.

Mir hei is vorem Zelt vorem Restaurant Frohsinn ufgstellt und hei denn afo loslege.

IMAG6119A dere Stell isch z erwähne, das mit em Kevin und der Carmen zwoi Neuimitglieder scho kräftig mitblose hei. S Carole het sich als Fotografin betätigt und d Susana isch als Zueloserin derbi gi. Ab de offizielle Probe, sie denn au die beide mit emen Gügli usgstatte!

Nachdem mir euises Platzkonzert beenedet hei, sie mir mit emene feine Bier gstärkt worde. Der eint oder ander het denn aber lieber au mol es Panache gnoh..

Aschliessend si mir in Marschformation richtig Ohregrübler Saloon marschiert und hei dört no es Konzertli geh.
Au dört si mir denn mit emen feine Bier verköstigt worde. Denn hei mir e chline Flashback gha und sone RidingBull entdeckt. Bine paarne si do Erinnerige a Jubiläumsusflug ufecho und eso isch es nid lang gange, bis fascht die ganzi Guggemusig der Stier bi de Hörner packt het.

IMG-20160828-WA0046IMG-20160828-WA0048IMG-20160828-WA0041IMG-20160828-WA0023

S Fescht isch für vieli no lang gange und bis i die spote Stunde. Mir bedanke euis bim Dorffest für d Iladig und freue eus scho ganz fescht uf der Beginn vo der neue Saison!

D Föteli fingsch do!