Hüt hei mir endlich die ersti offizielli Prob gha und mir si nüme zum Stuhne us cho.
So viel Lüüt wie hüt i der Prob gsie si, soviel si mir letscht Joor nid mol in Vollbsetzig gsi.

D Susana, der Kevin, der Roman, s Melanie, s Carole und s Carmen hei der Weg neu oder wieder zu euis gfunge!
A dere Stelle es riese WILLKOMME!!!!

Übere Sound mues me adere Stell gar nix me säge, denn mir si jo scho bitz igspielt gsi, aber mir si denn trotzdem verschrocke, wie s ufeinisch de Wärkruum duregschüttlet het.
Nachdem mir mit der Prob fertig gsie si, hei mir no es paar Sache besproche und is denn uf d Wahl vo de neue Stück konzentriert.
A dere Stell goi mir nonig genau druff ih was es do wird geh, denn a dere Fasnacht wei mir Euch es bitz überrasche.

Allerdings dörfe mir Euch bekannt geh, das mir s JUMP und s Surfin USA nümme im Repetoir hei. Natürlich choit Ihr die zwoi Lieder bi de Filme oder alte Bohnehits, witerhin lose!

E ganz bsungrigs WILLKOMME hei mir natürlich euisem Ehremitglied Patrik Spaar chönne usrichte, er wird eusi das Joor komplett uf de Güggli ungerstütze und er wird no bitz verstärkig übercho… Aber au über das informiere mir Euch spöter.

Mir säge nur eis, das Joor wird speziell und mir freue euis riesig uf die Saison… d Frau Fasnacht cha sich ganz warm azieh!

D Föteli fingsch do!