Am Samstig uf die 21.00 hei mir euis bim Gmeinizentrum troffe und si gmeinsam denn s Dorf abgloffe.

Der Grund vo euisere Augustwanderig isch der Tambourmajor gsi. Nachdem mir euis churz drüber besproche hei, was mir do chönnte mache, sie mir mit em Crazy Little Thing Richtig Haupstross 1 marschiert.

Mir si sozäge s Dessert vo de Gäscht gsi und hei em Päddy natürlich es chlises Ständeli brocht. Es isch nid lang gange, do het natürlich der Päddy selber grad mitgspielt.

Mir si natürlich nid mit leere Händ cho und hei em Päddy was passends brocht. Sis Pfiffli het jo jetz au scho es paar Jöörli ufem Buggel und au an der Fasnacht scho der Dienst verweigeret…. HALT !!! MIR MEINE NATÜRLICH D TRILLERPFIFFE!!!!

Drum het er vo eus es neus Pfiffli bercho und hoffe das es no lang si Dienst erfüllt.

Nachdem mir fertig gspielt hei, isch natürlich s Buffet blünderet worde und der Küehlschrank mit em Bier isch au immer weider konfrotiert worde.

A dere Stell gilt feschtzhalte, zum Glück hei mir d Grüchteküchi nümme, suscht wer die wieder es bitz erwitertet worde…

Viel Spass mit de Fotene!