Das Johr sind mir nid wie sunst ame ufem Mont Dedos gsii, sondern mir hend es Wucheend mit viel Probe in Tramelan verbrocht. Nach afängliche Schwierigkeit s Lagerhuus z finde, hend sich denn alli dört obe igfunde gha. Nach feinem Zopf von euser Bäckerin hend mir eus den au scho an d Probe gmacht. Dr Fokus isch uf de neue Stück gläge, welli us Südafrika dr Weg zu eus gfunde hei. Au nach dem Zmittagesse isch es mit Probe witergange. Am Obe isch den Kampf gegen das Bünzlitum oder Jasse agseit gsii. D Karte „Kevin“ het allne immer viel Glück brocht.
Am nechste Tag het den nomol ä Gsamtprob geh und denn heimer au scho s Lagerhuus müsse putze. Mit Putzmittel goht das imfall am Beste…

Do hets no Fotis vo dem Wucheend…