An dr diesjöhrige Generalversammlig sind grossi Veränderige uf em Programm gstande. Zerst het sie aber gmültich miteme Apéro gstartet. Bim gschäftliche Teil heimer zerst s vergangene Vereinsjohr revue loh passiere und denn s Budget vom nächste Johr ahglueggt. Bi de usserordentliche Wahle heimer der Vorstrand neu gordent. D Roman isch jetzt euse neue Präsident und d Käthle dr Vizepräsi, usserdem isch d Carmen jetzt Aktuarin. Dr Joel wird im Vorstand zuekünftig als Bisitzer diä andere unterstütze und als neue Bisitzer isch dr Robin mit an Bord.
Danke Joel für dini Arbeit als Präsi und viel Spass bi dim neue Amt.
Danke Rita für dini Arbeit im Vorstand und gniess dini Ämtlipensionierig. 
Als witers Highlight heimr euses neue Kostüm z Gsicht becho. Dir chönet gspannt sii. Denn heimer dr gschäftlich Teil no fertig gmacht und dr Hunger gstillt.

Mir freue eus uf ä witers super Vereinsjohr!