Bi frühlingshaftem Wetter hei mir euse freie Tag chöne gniesse und sogar dusse ume ligge isch gange. Am Obe hei mir denn abr wiedr z tue kha. Zerst hei mir ä Ständeli bi dr Wohngruppe kha. Nacheme chline Apéro isch den dr Car scho nach Kaiseraugst gfahre. Danke ans Evi für diä super fruchtigi Bowle wo sie eus mit ufe Weg geh het. Ei Frog het eus diä ganz Fahrt beschäfftigt: „Mein du mii?“. Velicht hei jo dr Jan odr dr Dario ä Antwort becho. Kaiseraugst isch ä igsässeni Fasnachtsgmeinschaft und mir hei diä gliche Schnitzelbänkgruppene gseh und kört wie letzt Johr. Leider hei mir das Johr nid euse Fanclub drbi kha und dr Yannic und dr Michi hei keini Schnitzelbänk chöne mit uf Mältigä neh. Abr ei Satz isch eus bliebe: „Hei Robin loh doch diä Chreie“. Was het dr Robin mit de Chreie gmacht?  

D  Fotis findsch do…