Am Fasnachtszistig werde mir immer chli wehmütig. D Fasnacht neigt sich am Endi zue, abr bi eus z Mältigä lauft nomol richtig viel. Obwohl s Wetter nid so richtig mitgmacht het isch diä einti und diä anderi Gugge bliebe. Danke de Geisseschränzer Zubel, Ohregrübler Nunnige und de Grossstadtchnulleri Kaiseraugst, dass sie cho sind. Mir heis au super gfunde, dass d Kaiseraugster so lang bliebe sind, obwohl sie jo nid grad nebe eus wohne. Mir hei no lang gmacht. Und ei halb verfrorene und igschneite Wikinger isch sogar no witer. Eine vo eusne alte Seck hets de Junge zeigt.  

Mir hei ä super Fasnacht kha. Sind grad no rechtzitig fertig worde und bedanke eus bi allne wo eus unterstützt hei.

D  Fotis findsch do…