Schmudo 2019
Do, 28.02.2019
Früh am Morge ufstoh duet glaub niemer gern.
Usser…
…es isch Schmutzig Donnstig am 5i am Morge und mä cha mit dr Cheselte d Fasnacht eröffne. Mir sind so lang durs Dorf gloffe, dass ä paar Trompete immer längeri Schlagzwüscheteil wele hei zum chli chöne Pause mache. Nocher hei mir im Bad ä Mehlsuppe chöne goh neh.
Am Nomitag isch den d Kinderfasnacht in Mältigä gsii, wo mir se erstmol mit eusne Wikinger unterwegs gsii sind. Danke vielmol Bohnegeisse fürs kurzfristige Organisiere!
Vo dört sind mir den mehr odr weniger direkt uf Nunnige ans Guggekonzert gange. Trotz Startschwierigkeite hei mir denn doch no chöne zeige was mir chöne. Nach em Uftritt am 7ii sind mir no chli bliebe und den uf hets gheisse ab uf Erschwil an letzt Uftritt vo dem Obe. Euse Carchaffeur hets sehr gmütlich gno…hei nid gwüsst, dass es vo Nunnige uf Erschwil so lang cha go.
