Es gmütlichs Wucheend gseht anders us. Im Jura hets ä Winteribruch geh und mir hend bi dr Areis grad chli Schneetrainig chöne mache. Dodebi heimer gmerkt, dass Summerpeu wirklich nicht geeignet sind im Winter. Aber mit Schneeketten isch au das Auto ufe Mont Dedos. Als wenn das nid scho gnue gsi wär an dem Morge, het au no äs fremds Auto d Fahrbahn nid ganz breicht und ä Achsbruch gha. Aber Glück im Unglück: Es sich niemer verletzt worde und mir hend chöne mit chli Verspötig in euses Probeweekend starte.
Nacheme proberiche Tag mit neue Stück hets denn no ä paar Rundene Bier Pong inkl. Jury geh. Usserdem hend einigi no s Spiel „Rage Cage“ kenneglernt. Isch doch gar nid so schwierig oder nid?!
Am Sunntig isch denn nomol ä Prob agseit gsii und denn heimer au scho wieder eusi Sache zämme packt und putz.
D Vorfreud uf d Fasnacht isch nach dem Wucheend grad nomol chli grösser worde.

Do chunsch zum Bildmaterial…