Die 42. Generalversammlig isch s Endi vo dr Fasnacht 2019 gsie und glichzytig der Startschuss für d Saison 2020.

Euise Präsident het eus eus uf witzigi Art und Wis eus nomol verzehlt was in dem Johr so alles gloffe isch. Es isch sehr sehr sehr viel gloffe, do nomol alles ufzähle würd eifach zu lang go. (Chasch abr in eunse Bitrag noche luge.)

Mir hei au chöne zweu tolli Neumitglieder in euise Verein ufneh: D Mirjam Saner und Swenja Im Oberdorfder. Sie sind mit emen grosse Applaus ufgnoh worde! Herzlich Willkomme in eusem Verein und mir freue eus uf die gmeinsami Zuekunft.

Leider hei mir au Ustritt wege Schaffe, Nochwuchs und Gsundheitliche Problem gha. Euch allne Wünsche mir natürlich nur s beste mit euchne neue Ufgobe und mir luge mit Freud uf eusi gmeinsami Zit zrugg. Natürlich sit dir immer wieder in eusne Reihe Willkomme!

Will eusi Peris äs Johr pausiert hets ä neue Akturar geh, dr Roman isch ohni Gegestimme in sis neue Amt gwählt worde..

Leider isch Toni Tromboni nit awesend gsii weg dem het euse Präsident das Johr selber müsse s Schlusswort ha. Nocher hei eusi hunriger Büch chöne mit Spagetthi gfühlt werde. Ei Sauce isch besser gsii als diä anderi. Im Rössli z Erschbel isst mä eifach immer gut.

Nach em Esse hei mir den no dr Bohnemovie 2019 chöne luege. Er isch vo eusem Multimediagirl Tanja Jeger und eusem Tambi Sascha Jeger zämmägstellt worde.

Wallhala….Wallhala…Skål…Skål auh!