Fasnachtssamstig 2020
Sa, 22.02.2020

In dem Johr hei mir am Fasnachtssamstig nid wie gwohnt z Hirzebach am Umzug teilgno, sondern sii uf Nuglä gange. Das het im Vorfeld zu viel Diskussion gsorgt. Eus isch wichtig, dass allne klar isch, dass nur will mir das Johr nid uf Hirzebach sind, heisst das nid, dass mir nechst Johr au uf kei Fall dört ane werde goh.

Bi, für eus als Wikinger, heisse Temperature  und Sunneschiin het dr Umzug z Nuglä chöne starte. Diä zweu Duchrgäng hei eus dur das Dörfli im Dorneck bis zum Schuelhuus gführt. Dört hei mir miteme Ztrinke in dr Hand no chöne luege, wie diä restliche Wage und Guggene zum Ziel vom Umzug cho sii. Ä Uftritt im Schuelhuus hei mir natürlich au no dörfe mache und nocher hei mir eus denn in richtig Znacht gmacht. Abr vor em gute Esse hei mir no s Restaurant Weisses Rössli z Erschbel fast zum platze brocht und hei äs paar Stück zum Beste geh. Dr Rest vom Obe hei mir den in dr Märchenwelt zu Büsserach verbrocht. Ganz nach em Motto „Es war einmal“ isch diä ganzi Halle gschmückt gsii. Mit em Uftritt am 1 am Morge hei mir denn dr Fasnachtssamstig 2020 beendet. 


D  Fotis findsch do