Dr Fasnachtsamstig het bi eus agfange mit APERO. Dr Toni und dr Hüpi hei vor em 10ii z Breitebach öbis für eus Vorbereite und so isch d Zit schnell verbii gange bis dr Umzug agfange het. Zwische dä beide Druchgäng ischs Trämli sehr beliebt gsii zum wiedr an Start fahre. Het ächt jede es Ticket glöst kha? Jedoch müsse mir au ä Verlust beklage…am Michi sini Finger hei ä Kanpf verlore und er het müsse ä Rundi ussetzte.

Nach de Uftritt nach em Umzug z Breitebach hei mir eus z Erschwil im Rössli ä Pause gönnt und sind sogar no in Gnuss vo de Schnitzelbänk vo dä Mäldiger cho. Den sie mir scho mit em Car ab uf Büsserach. Mir hei nid lang müsse warte und schu hei mir euse Uftritt kha. Mit eusne dicke Wikingekleider isch es eus chli z heiss gsii z Mexiko. Nocher hei no bi de Sumpfer chöne versumpfe bis dr Car wiedr zrug uf Mältigä gfahre isch. 

Wend d Fotis vo dem Tag willsch gseh, mussch nur do druf klicke…