Äme brucht mä mol Zit zum Usschlofe… das isch bi eus am Mentig agseit gsii an eusem traditinell gmütliche Tag hei mir eus erst am 5ii bim Bad z Mältigä troffe. Nacheme chline Uftritt für d Heimbewohner sii mir mit paar Groupies uf Kaiseraugst. Bi eusem Uftritt hei sich nüm alli uf dä Bänk chöne hebe und es het ä Bolognese dur d Halle geh…schinss zum erst mol dört z Kaiseraugst. Mol chli nöcher als sunst an Basel hei viel Schnitzelbänk z ghöre becho. Dr eint odr andr het sich vlt gfrogt wo mir do glandet sii, abr das het de Stimmig nüt gmacht (dr eint oder andr het chli Hilf vom Prof. Dr. Toni Tromboni brucht) und mir sie gut glunt vo dört no in d PisiBar. Sogar ä paar Schnitzelbänk vo Kaiseraugst heis bis dört ane gschafft. Do bliebt eim nur zum sägä: ei du schöne ei du schöne ei du schöne Schnitzelbank.

Do si d Fotis vom Fasnachtsmentig zfinde…