Alle Jahre wieder…isch dr Chlausehock.

Bi dem stürmische Wetter hei mir eus im Schützehüsli z Mältigä troffe. Es het nid nur Erdnüssli und Manderili geh, sondern au Fondue. Euse Fondue Gott dr Hüpi het wiedrmol diä speziellste Kreatione gmacht. So komisch s tönt, abr s Curry Fondue und au Whisky Fondue sind eifach super gsii. Spöter hei den no ä paar Bohne ä spontani Tanzilag gmacht. Wer gseht bim Bild obe zu welem Lied s gsii isch?!  Uf euser Instagramsite (bohneschraenzer) cha mä au ä Video devon aluege. Nachdem jede no sii Liedertalent het chöne odr müsse unter Bewiss stelle hets den ä super Dessert geh.

Dr Morgen danach wird meistens als nit so toll empfunde, jedoch hei bi eus ä paar ihri sportlichi Site entdeckt und sind zämmä go jogge. Wer chunt uf sone Idee?!

D Fotis findsch do…