MEGA-GUGGENPARTY
Samstag, 12. November 2016

Pünktlich zum Fasnachtsafang hei mir dörfe a der Mega-Guggenparty vo de Geisseschränzer dörfe go ufspiele.

mega-guggeparty-2016-4Fascht scho traditionell, hei sich es paar Bohne zerscht im Restaurant Gilgeberg troffe und es paar feini Stärkige zue sich gnoh.
Do derbi hei mir am Jan chönne zueluege, wie elegant er Spaghetti cha esse! Aschliessend si mir denn isch me denn inere improvisierte Marschformation richtig MZH March gloffe.

Zum erste Mol sit langem hei mir es richtigs Charivari gmacht und do hets ganz kreativi Sache gha, Vo Scream über Rössliryter, Indianer und au e Duff-Mann, het sich d Kreativität vo de Bohneschränzer duregsetzt. D Stimmig isch immer wie besser worde und d Geisse hei sich nid loh lumpe und e richtig verhexti Deko ufbaut.

Am 22.30 Uhr het sich den bim einte oder andere Bohneschränzer e schnellere Puls igschliche und mir hei endlich uf d Bühni dörfe.
Mit em “Tragedy” hei mir d Schlacht eröffnet und hei der Fasnachtshex der Kampf agseit, mit eme knackige Vortrag vom “Altes Fieber” ischs witergange. Denn hei d Sousis alli Luft zämmegnoh und s “Proud Mary” agstumme. D Halle isch langsam richtig heiss worde und d Lüt hei bis hingere afo mitmache. Bim “Kids aka LULULULULU” isch den nid nur uf der Bühni d Post abgange. Mit “Pompeii” und Narcotic isch es denn em Endi zuegange.

Euisne zwoi Ehremitglieder Toni und Patrik, isch s Bohnefieber uf der Bühni grad wieder so richtig igimpft worde, danke vielmols für Eure Isatz.. isch cool das Ihr das Joor in eusne Reihe stoit!

D Party isch lang und hard worde.. der Schriber vo dene Ziele isch gege die 04.00 Uhr efang dehei acho und zu dere Zyt het me schiens z Mältige i der Hauptstross 1 no Hörnli mit Ghacktem übercho…..

Herzliche Dank an d Geisseschränzer für das tolle Fescht!

D Föteli fingsch do!