Der Schmutzig Donnschtig het das Joor irgendwie scho am Mittwuch agfange.. Mir hei euis am Mittwuch zobe zur letschte Prob troffe und hei euis no der letschti Schliff geh. Aschliessend si mir d SPELUNKÄ-BAR go ihweihe  und irgendwie isch das usgartet… me het sich bis in d Zyte vo der Husare-Bar zruggsetzt gfühlt.

Bevors los gange isch, sie mir no zum Päddy hei, er het is dört mit Spaghetti verwöhnt und einigi hei sich au no es Nickerli gönnt.

Am foifi am Morge hei es paar gaaaannnnnzzz fescht Müeh gha, aständig izstoh und wo der Päddy endlich die erlösende Wort usgsproche het (FASNACHT 2016 – BOHNESCHRÄNZER – VORWÄRTS – MARSCH) isch e schwankendi Gruppe Bohneschränzer uf d Tour de Mältige gange.

Aschliessend hei mir denn vo euisem Ex-Mitglied Rolf, in der Wohngruppe Mältige, e feini Mehlsuppe dörfe esse.

Denn sie die meischte e Rundi go pfusse und am Nomitag hei mir euis denn wieder bi der Gmeindverwaltig troffe. Mir sie denn los gluffe und z Zubel hei sich d Geisseschränzer in Bewegig gsetzt. Troffe hei mir euis denn uf der March und hei dört de Teilnehmer o der Kinderfasnacht es Guggekonzertli geh.

Denn hei mir Eus mit vielne Lieder und Getränk gstärkt und sie denn uf Hirzebach (Breitebach) an d Guggegala. Nach dere Guggegala hei mir euis denn dörfe durs Dorf bewege und sie vo Beiz zu Beiz zoge. Vom Grotto is Wisse Chrütz und vo dört in die Alti Post.

Z Breitebach si mir denn no lan am Feschte gsi und bis hüt ghört der eint oder der ander no s Lied SIIIEEEEERRRRRAAAAAA.. i sim innere Ohr in der Endlosschleife…

Do gohts zu de Fotene.