40 Joor Bohneschränzer!

18:00 S Füür das Brennt (mehr odr weniger) und d Gescht trudle ih. Drunter si  ehemaligi und aktivi Bohnis sowie es par Bohnanzas. D Stimmig isch locker und heiter. Es wird diskutiert und ahgstosse uf das Jubiläum, während dusse dr Ofe ufheizt.
Denn dr Startschuss. Mit professioneller Mine git dr extra ihgflogeni Starpizzaiolo sine bede  Belegger Joelini und Toni Tromboni e diskrets Zeiche, dass dr Ofe „al dente“ isch woruf die bede haschtig d Pizzatheke eröffne.

Eh Gedanke vo dr Pizzatheke:
Ufe Tag genau vor 40 Joor si e par fasnachtsverruckti jungi Meltiger zämme ufd Idee cho e Guggemusig z gründe. Und do stömer jetz in Reih und Glid, wartend, uf e Pizza usem Ofe vom grosse Pizzaiolo Sandero Giovanni Waltereti und sine Belegger. Es isch e lange Weg gseh fr die „Eintagesfliege“ bis do ahne wo mr jetz si. Voller Höchene und Tiefe, denn wie hüt. Aber es isch dennoch schön immer widr zämme z cho und zämme e Gaudi zha. Doch lömmer das jetz, denn schliesslich hei mr hüt Geburtstag!

Nachdem dr Ahsturm bewältiget gseh  isch und s Volk gspise het folgt scho s nächste Highlight vom Obe: e Filmcollage us de letschte par Joor vo de Bohneschränzer. S Liecht isch ab, dr Film foht ah und d lüt schänke de Ufzeichnige us vergangene Tage ihri Ufmerksamkeit.
Ahschliessend isch gmietlich zämmesitze und dr Obe loh uskline ahgseit. Die miede Bohnis löse sich langsam uf und gö zfride hei. E glungene Obe.

Nomol e GROSSES Dankeschön and Organisatore.

D Föteli fingsch do!