Hüt hei d Glocke i der Chliche z Blaue ganz bsunders glüüte, denn euises Goldwädli het der Gang vore Traualter gwogt.

Für euis Bohneschränzer isch das natürlich gar kei Thema gsi, wo d I ladig cho isch. NATIIIRRLIGG hei mir s Jacqueline und der Mike an dem bsunderige Tag welle begleite und natürlich au es bitz der Apero schädige…

Es Hammer-Wetter hei die zwoi scho mol uf sicher gha und mir Bohnis hei zerscht no es Date in der Kulturschüüre in Blaue gha, mir hei no der Uftrag gfasst, d

Luftballön für d Gsellschaft ufzblose. Do ischs natürlich nid lang gange und scho hets kreativi Uswüchs geh:

Aschliessend si mir no schnell in d Kilche ufegspeedet und hei ungerwegs no d Bruut überholt und so sie mir grad no pünktlich in d Chilche cho. Also s Jacqueline hets innert chürzi gschafft und s Peeeris het füechti Auge gha!

Nach der Zeremonie sie mir denn mit em Spalier dra gsi und hei die Beide uf ihrem erschte gmeinsame Gang dörfe begleite.

Denn hets gheisse APPPEEERRROOOO und do si mir natürlich derbi.

Am wohlste het sich natürlich der Ruedi gfühlt. Isch doch s Apero ufemen
wunderschöne und früsch gschnitze Holzwaag serviert worde.

Nach dere Stärkig si mir denn dra gsi mit em Ständeli!
TRAGEDY, ALTES FIEBER, POMPEII und THE KIDS ARENT ALLRIGHT
hei mir denne zwoi mit ufe Lebensweg geh und natürlich au es chlises Präsent.

Der Mike und s Jacqueline hei sich denn no als Team dörfe bewiese und s Jacqueline het d Pauke uf em Mike sim Rugge dörfe schloh, während der Mike am Schlagzüg sis Beste geh het. Alle Achtung, mir hei glaub es chlises Naturtalänt entdeckt!

Liebi Jacqueline und Mike, mir möchte euis bi Euch ganz herzlich bedanke, das mir Euch an dem Tag hei dörfe begleite. Mir wünsche Euch nur s beschte und das Ihr mit euis no ganz vili tolli Moment dörfe verbringe.

Euri Boheschränzer

Do gohts zu de Fotene.