D Brass Band Meltingen isch sit einige Joor als flissigi Helfer an der GV vo der Basellanschaftliche Kantonalbank im Isatz.
Ufgrund vomene wichtige interne Termin, hei sie do e kompetenti Vertrettig gsuecht.

Do mir mit em Bohnezelt und vielen andere Fescht die richtigi Bewerbigsmappe hei chönne vorwiese, hei mir das dörfe überneh.
Motiviert sie mir in d Joggelihalle und hei Vollgas geh, sigs bim Esse uf e Teller schöpfe, Gschirr zruggneh oder Kaffiuseloh. Verstärkt mit de Fläschesammler, Arbetskollege, Eltere, Gschwüschterti, Lehrtöchter und euisem Ehremitlglied em Kurt, isch das eigentlich au wie erwartet, souverän über d Bühni gange.

Der Naturbursch het sich denn natürlich au der Ufgab agnoh und die ganze Betriebsabläuf genauer agluegt, mol luege ob er do was gschieds im Bohnezelt an der negschte Fasnacht cha umsetze.

Spannenderwies hei mir jo drei Bänker in euisne Reihe, allerdings isch kei einzige vo dene im Isatz gsi, mir hei is denn gfrogt, ob die echtsch e Huusverbot hei?

Nach drü Stung Isatz hets denn no e Füürobebierli und Brezel geh oder no es fürigs Dessert.

Alles in allem e super Obe. Danke der Brassband fürs Vertraue und allne Ushilfe für e Isatz.

D Föteli fingsch do!